Drejtori sportiv i Juventusit, Fabio Paratici, ka këmbëngulur se Paulo Dybala do të mbetet në klub dhe se bardhezinjtë do të përforcohen edhe pas titullit të tetë radhazi në Serie A.
Juventusi e siguroi titullin e tetë radhazi, që është historik, dhe të 35-të në total në Serie A të shtunën në mbrëmje, pas fitores 2:1 kundër Fiorentinës në Torino.
Man United e tepron me kërkesa, Barça merr vendimin për Rashford
“Do të ishte çmendur ta mendoje në vitin 2010 se kjo do të ndodhte”, tha Paratici për Sky Sport Italia.
“Nuk është koha e duhur të diskutojmë çfarë do të bëjmë por kemi idetë tona sesi të përforcojmë skuadrën”, shtoi ai.
I pyetur për të ardhmen e Dybalas, Paratici tha: “Natyrisht se Dybala do të qëndrojë. Ai është futbollist i Juves dhe është e qartë se do të qëndrojë”.
