Arda Turan nuk është më një futbollist i Barcelonës. Turku ka vendosur të rikthehet në vendlindjen e tij, duke nënshkruar një kontratë me Istambul Basaksehir, skuadër që kryeson momentalisht Superligën në Turqi.
Këtë transferim e ka njoftuar vetë trajneri i Basaksehirit, Abdullah Avci, që shton se prezantimi i Arda do të bëhet të enjten ose të premten.
Tek Barcelona ai luajti vetëm 36 takime në më tepër se 2 sezone, duke shënuar vetëm 5 gola. Kohët e fundit, Arda Turan kishte mbetur jashtë planeve të trajnerit Valverde, ku ai në shumicën e rasteve nuk paraqitej në stërvitje dhe shpesh nuk e merrte as në stol.
