Karim Benzema është lojtari që vuan më shumë këtë sezon në nivel personal. Sulmuesi francez është golashënuesi i shtatë në historinë e klubit “Los Blancos”. Që nga viti i kaluar, statistikat e tij kanë rënë ndjeshëm. Këtë sezon ai ka shënuar vetëm gjashtë gola në 26 ndeshje, shifra të dobëta për një lojtar pretendent si ai. Në 21 ndeshje i bie të mos ketë shënuar asnjë gol.
Për 13 muaj lojtari nuk ka arritur të rigjejë formën e tij të mirë, duke u kthyer kështu në një problem për trajnerin Zidane, i cili edhe pse i ka shprehur besimin ka rënë në dilemë për aktivizimin e tij. Vitin e fundit, në 54 ndeshje ai ka shënuar vetëm 15 gola, ku në 41 prej tyre ka mbyllur takimin pa prekur asnjëherë rrjetën. Shifra tepër të dobëta për 30-vjeçarin.
