A janë të interesuara klubet e mëdha spanjolle për mesfushorin Willian? Në lidhje me këtë pyetje ka folur vetë i interesuari. Në fakt, braziliani i Chelsea-t i ka komentuar zërat e merkatos në një prononcim të dhënë për mediat së fundmi, duke u ndalur në veçanti te Barcelona dhe Real Madrid: “Janë dy klubet më të mëdha në botë dhe ëndrra e çdo futbollisti. Sigurisht, ka edhe shumë klube të tjera të rëndësishme, por dy spanjollet janë diçka krejt tjetër. Një rikthim te Corinthians? Ndonjëherë edhe e kam menduar”, – ka deklaruar Willian, skuadra e të cilit do të presë pikërisht Barcelonën në “Stamford Bridge” të martën mbrëma në fazën e 1/8-ve të Chammpions League.
