Antonio Conte ka siguruar se nuk është duke menduar për asnjë moment të braktisë Chelsean, si dhe i ka falënderuar tifozët për mirëkuptimin.
Humbjet e thella ndaj Bournemouthit dhe Watfordit nxitën spekulimet se Chelsea është duke e kërkuar ish-trajnerin e Barcelonës, Luis Enriquen, për ta zëvendësuar Conten.
Por, trajneri italian e ka bërë të qartë se kurrë nuk do ta braktiste Chelsean me dëshirën e vet.
“Nuk jam duke menduar për asnjë moment largimin nga ky klub”, ka thënë Conte sot në një konferencë për mediat.
“Përkushtimi im dhe i lojtarëve është plotësisht ndaj këtij klubi”, ka shtuar ai.
