Dzeko e ka pranuar se ishte afër transferimit në Premierligë te Chelsea.
Sulmuesi i Romës, Edin Dzeko, ka thënë se bisedimet mes klubit italian dhe Chelseat ishin në fazën përfundimtare, por që në fund qëndroi në Serie A.
“Është e vërtetë se negociatat ishin duke u kryer, kjo është e gjitha çfarë mund të them për këtë”, u shpreh Dzeko.
“Më ka joshur shumë interesimi i Chelsea, klub që e respektoj dhe e admiroj. Por, në fund jam ende te Roma, sepse Roma është bërë shtëpia ime dhe pjesë e rëndësishme në jetën time”, shtoi sulmuesi boshnjak.
