Pas rikthimet të dy prej lojtarëve titullarë, Radas dhe Soue, trajneri Daja pritet të ketë dilema për formacionin vetëm në mesfushë. Në portë është pa dyshim portieri Shehi, ndërkohë që në prapavijë Vangjeli dhe Mici do të jenë krahët, Radas dhe Jashanica në qendër.
Përpara tyre, Tefik Osmani do të kujdeset edhe njëherë për mbrojtjen, por do të shërbejë edhe për mesin e fushës, ndërkohë që Lilaj do të jetë organizatori.
Janë dy lojtarë që do të luftojnë për një vend në mesfushë dhe trajneri Daja do të vendosë para ndeshjes. Nimaga dhe Muzaka janë në balotazh, ndërsa në sulm Gavazaj djathtas dhe nigeriani Xhejms do të kenë përpara Ali Souenë në kërkim të golave.
