Aymeric Laporte ka qenë super blerja e fundit në merkaton e Manchester City në merkaton e janarit. Klubi anglez ka derdhur në arkat e Athletic Bilbao 65 milionë euro për të siguruar shërbimet e francezit.
Pep Guardiola e ka aktivizuar menjëherë lojtarin, i cili ka qenë titullar në ndeshjen e kampionatit kundër Ëest Bromëich. Trajneri katalanas ka mbetur i befasuar nga paraqitja e mbrojtësit të ri:
“Është stërvitur vetëm 45 minuta me shokët e skuadrës dhe më pas ka bërë atë paraqitje. Uau, çfarë qendërmbrojtësi kemi arritur të marrim! Njerëzit thonin se kushtonte shumë, por në fund mund të thuhet se e kemi marrë lirë. Është vetëm 23 vjeç dhe kur niveli është i lartë, asgjë nuk kushton më shumë se duhet”, ka thënë tekniku spanjoll.