Ndeshja e prapambetur e Premier League midis Manchester City dhe Arsenal është shtyrë për shkak të coronavirus. Vendimi është marrë mëngjesin e sotëm nga Federata Angleze.
Shkak është bërë takimi që lojtarët e Arsenal kanë patur me presidentin e Olympiacos në Europa League. Presidenti i ekipit grek është i prekur nga coronavirus.
Mjaft lojtarë të “topçinjve” kanë takuar Evangelos Marinakis më 27 shkurt, në ndeshjen e Europa League. Presidenti i ekipit grek ka konfirmuar se është me coronavirus.
Lajmin e shtyrjes e ka konfirmuar edhe klubi i Manchester City në “Twitter”. Vendimi është marrë si masë parandaluese. Drejtuesit e Arsenal u shprehën se mundësia që lojtarët e këtij ekipi të infektohen është shumë e ulët, por ata do të ndjekin procedurat mjekësore.
