Fjalët e Messi-t në lidhje me lamtumirën e Suarez kanë shkaktuar shumë diskutime në rrjetet sociale.
Kur Pleshti shkruan “nuk e meritoje këtë që të kanë bërë, por e vërteta është se në këtë pikë nuk më befason më asgjë”, ështe qartë se argjentinasi nuk është aspak i kënaqur me vendimin e marrë nga klubi dhe trajneri Koeman.
Dhe tani është dikush që pret me padurim të kuptojë se çfarë do të ndodhë në vazhdim. Dikush që Ronald Koeman e njeh shumë mirë…
Mido ka qenë një nga të parët që ka patur “Rambon” si trajner tek Ajax-i dhe marrëdhënia mes të dyve nuk ka qenë kurrë e mirë, përkundrazi…
Egjiptiani ka shpjeguar me një mesazh në Tëitter se po pret me padurim të shikojë se cili do të jetë reagimi i trajnerit të Barcelona-s. Nga ana tjetër, ka shpjeguar ish-lojtari, kur ai fliste për çështje të brendshme të skuadrës me gazetarët, Koeman zemërohej.
Deri në atë pikë sa i ka kërkuar klubit të Amsterdamit ta largonte përfundimisht egjiptianin, i cili është transferuar në 2004-ën te Roma.
“Dua të shikoj se cila do të jetë përgjigjja e Koeman për fjalët e Messi-t në lidhje me Suarez. Koeman më ka masakruar dhe ka urdhëruar Ajax-in të më shiste sepse kam thënë mendimin tim në publik për skuadrën, pavarësisht se isha vetëm 18 vjeç. Nuk po e krahasoj veten me Messi-n, është gjithçka shumë interesante”, ka shkruar Mido.
