Interi është mposhtur në udhëtim nga Genoa pas edhe një performance tejet të dobët të shtunën mbrëma.
Në fakt, ishin lojtarët dhe ish-lojtarët e Interit ata që i mposhtën “Zikaltrit”, pasi Andrea Ranocchnia shënoi në portën e vet në fund të pjesës së parë për t’ia kaluar vendasit në epërsi, raporton Express.
Nuk vonoi shumë në pjesë të dytë Diego Laxalt dhe Goran Pandev u përkujdesen që ta fundosin dikur skuadrën e tyre, Interit.
Laxalt asistoi për Pandevin, i cili në minutën e 59-të e çoi topin në rrjetën e portës së Handanovicit me një goditje nga rreth gjashtë metra largësi.
Me këtë humbje, Interi e rrezikon seriozisht vendin e katërt në Serie A, i cili çon në Ligë të Kampionëve.
“Zikaltrit” kanë 48 pikë në pozitën e katërt pas javës së 25-të. Por, Lazio me një fitore eventuale nesër, do t’ia zërë vendin Interit.
Ndërkohë, Genoa shkon në kuotën e 30 pikëve në vendin e 12.
