Juventusi ka marrë tri pikë shumë të rëndësishme në xhiron e 24 në Serie A, duke e mposhtur me shumë vështirësi Fiorentinan në udhëtim, 0-2, raporton Gazeta Express.
Golin e epërsisë e realizoi i transferuari gjatë verës, Federico Bernardeschi, në minutën e 56-të. Kurse Gonzalo Higuain shënoi për 0-2 në minutën e 86’të, pas disa sulmeve të vazhdueshme të vendasve që rrezikuan seriozisht përgjatë 90 minutave portën e Giggi Buffon.
Me këtë fitore, Juve ka shkuar në kuotën e 62 pikëve, dy më shumë se Napoli, që të shtunën përballet me Lazion.
