Mediat spanjolle çdo ditë e më shumë po përforcojnë zërat se Paul Pogba do të kalojë në radhët e Real Madrid-it në fund të sezonit. Thuhet se Pogba dëshiron që të largohet nga Manchester United dhe se kontakti i parë është nga Real Madrid.
Ndërsa gjërat qëndrojnë, një firmë e Pogba në Madrid duket e pamundur. Në të vërtetë, siç kanë zbuluar mediat franceze, José Mourinho nuk ka ndërmend të ndahet nga mesfushori i tij, edhe nëse marrëdhënia e tyre është aktualisht e tensionuar.
Përveç kësaj, ekziston një element kryesor që mund të pengojë hapjen e diskutimeve Pogba-Madrid. Mesfushori francez që ndodhet në kujdestarinë e Mino Raiola-s. Ky i fundit thuhet se ka një marrëdhënie të akullt me presidentin e Real Madrid-it, Florentino Perez. Aq shumë sa presidenti i klubit “Los Blancos” nuk do të hapte asnjë diskutim me Mino Raiola-n, i cili mund të komplikonte seriozisht një transferim të mundshëm të Pogba tek Real.