Trajneri i Paris Saint-Germain, Unai Emery është befasuar nga pyetja nëse Neymar në të ardhshmen do të transferohet te Reali i Madridit.
Gjatë konferencës për mediat para ndeshjes së Championsit, tekniku spanjoll dha një përgjigje diplomatike duke theksuar se nuk ka asnjë informacion për ndonjë shkëmbim të mundshëm ndërmjet Neymarit dhe Ronaldos, shkruan “Goal.com”.
“Neymar te Reali? Epo, kjo mund të jetë një pyetje e vështirë për të marrë një përgjigje në varësi të asaj çfarë ti sheh ose si dua të përgjigjem. Unë jam i kënaqur që kam Neymarin”, tha fillimisht ai.
Gjithashtu Emery foli edhe për ndeshjen e vështirë në Champions kundër kampionëve në fuqi të Europës.
“Unë mendoj se ne jemi më mirë të përgatitur dhe pavarësisht nëse fitojmë ose humbim, mendoj se kjo skuadër është e gatshme të garojë në këtë nivel dhe kundër ekipit më të mirë”, përfundoi ai gjatë fjalës me gazetarët.
