Shumë sportistë të suksesshëm kanë vazhduar të japin kontributin e tyre në sport edhe pas tërheqjes nga angazhimi aktiv, duke marrë role drejtuese në skuadra apo në poste më të larta. Por disa sportistë të suksesshëm kanë zgjedhur një rrugë tjetër për të vazhduar karrierën e tyre, atë të politikës.
Shumë prej sportistëve të njohur kanë rezultuar të suksesshëm edhe në këtë fushë, duke treguar edhe njëherë ‘talentin’ e tyre të dytë.
Alpenews.al ju sjell disa sportistë të njohur që e kanë zhvendosur karrierën e tyre nga sporti tek politika…
Vitali Klitschko
Wladimir Klitschko dhe vëllai i tij i madh, Vitali, e dominuan kategorinë e peshave të rënda në boks për thuajse një dekadë.
Vitali e përfundoi karrierën në vitin 2012 me një rekord prej 45 fitoresh (41 me nokaut) dhe dy humbjeve.
Në vitin 2004, të dy vëllezërit e mbështetën Vickor Yuschenkon në zgjedhjet presidenciale në Ukrainë, ndërsa 12 muaj më pas, Vitali u caktua këshilltar i presidentit.
Vitali Klitschko mbetet një figurë kuçe politike dhe e konsideron BE-në si “model zhvillimi”.
Sebastian Coe
Në vitin 1992, ai zgjodh si deputet i Falmouth dhe Camborne për Partinë Konservative, para se ta humbte ulësen në zgjedhjet e përgjithshme pesë vite më vonë.
Ndërkaq, Coe me sukses siguroi që Londra të ishte nikoqir i Lojërave Olimpike të vitit 2012 dhe është zëvendëspresident i Shoqatës Ndërkombëtare të Federatës së Atletikës (IAAF).
Romario
Ai është një prej futbollistëve më të mëdhenj brazilianë, ndërsa ishte ylli i skuadrës në Kampionatin Botëror të vitit 1994.
Po ashtu, Romario ishte pjesë e ekipit të ëndrrave të Barcelonës nën drejtimin e Johan Cruyffit.
Pas karrierës si futbollist, ai u zgjodh në Dhomën e Deputetëve nga Partia Socialiste e Brazilit.
Në vitin 2014, Romario u zgjodh në Senatin e vendit të tij dhe fitoi më së shumti vota prej të gjithë kandidatëve duke e përfaqësuar Rio de Janeiron.
Manny Pacquiao
Ai ka fituar 11 trofe të rëndësishëm botërorë dhe është i pari në histori që ka fituar tituj në katër prej tetë kategorive.
Filipinasi është edhe një rezervist ushtarak dhe mban gradën e nënkolonelit në Forcat Rezervë të Armatës Filipinase.
Pacquiao për herë të parë garoi për një vend në Kuvend në vitin 2007, ndërsa në vitin 2016 grumbulloi 16 milionë vota për t’u renditur i shtatë në mesin e 12 senatorëve te rinj.
Kakha Kaladze
Ish-mbrojtësi i majtë i Milanit u bë gjeorgjiani i pari që e ka fituar Ligën e Kampionëve, pas triumfit të Rossonerëve në vitin 2003.
Suksesi me klubin italian e bëri shumë të pëlqyer në vendlindjen e tij duke e bërë një personazh të rëndësishëm.
Pas pensionimit në vitin 2012, Kaladze u bë anëtar i partisë opozitare, Ëndrra Demokratike Gjeorgjiane dhe u zgjodh deputet në Parlament, para se të caktohej ministër i Energjisë.
Kjo gjë shkaktoi reagime për konflikt interesi, për shkak të aksioneve të tij në një kompani të konstruktimit të hidrocentraleve.
Këtë vit, Kaladze dha dorëheqje nga posti i ministrit të Energjisë dhe u zgjodh kryetar i kryeqytetit, Tbilisi.
Marat Safin
Fituesi i dyfishtë i Grand Slam, Marat Safin, pati një karrierë të suksesshme si tenist.
Në vitin 2000 triumfoi në US Open si 20 vjeçar dhe pesë vite më vonë fitoi në Australian Open.
Njëherësh, luajti edhe në gjysmëfinale të Wimbledonit dhe French Open.
Safin u bë anëtar u Dumas Shtetërore në vitin 2011, ku e përfaqëson Partinë Rusia e Bashkuar të Vladimir Putinit.
Imran Khan
Në vitin 1996, ai e themeloi Partinë Tehreek-e-Insaf në Pakistan (që në përkthim do të thotë Lëvizja Pakistaneze për Drejtësi).
Boyko Borisov
Ilir Meta
George Weah
Fituesi i Topit të Artë (1995) konsiderohet si një prej futbollistëve më të mirë afrikanë në histori, ndërsa krahas Rossonerëve, Monaco, Paris Saint-Germaini, Chelsea dhe Manchester City – janë ndër klubet e njohura ku ai ka luajtur.
Në vitin 2014, u zgjodh në Senatin liberian dhe në zgjedhjet e dhjetorit, u zgjodh president i Liberisë. /Alpenews.al/
