Pas një pushuimi të gjatë, gati 2 muaj, rikthehet Kampionati Kombëtar i Basketbollit për femra. Nesër do të luhen tri takimet e javës së 11-të, ato të Grupit A për femra, ku spikat sfida mes Tiranës dhe Goga Basket, që tri javë më parë ishin përballë njëra-tjetrës në finalen e Kupës së Shqipërisë. Dy skuadra që synojnë titullin dhe vijnë në këtë sfidë me objektivin për ta fituar atë, por bardheblutë duken më favoritë, duke qenë se luajnë në fushën e tyre. Nga kjo sfidë do të përftojë Flamurtari kampion në fuqi, që pret në fushën e tij Skënderbeun, ndërkohë që interesante edhe sfida mes Vllaznisë e Studentit, që luajnë për një vend në play off.
Basketboll – Kategoria e Parë Femra, Grupi A
17 shkurt, Flamurtari – Skënderbeu, ora 11:00 (Vlorë)
17 shkurt, Vllaznia – Studenti, ora 14:00 (Shkodër)
17 shkurt, Tirana – Goga Basket, ora 18:00 (Fahrie Hoti)