Porta e Romës ka qenë e sigurt në këtë sezon, pasi i është besuar portierit brazilian Alisson, por drejtori sportiv i verdhekuqve Monchi po merr masa për të gjetur zëvendësuesin e tij, teksa janë shtuar zërat se numri 1 do të largohet nga “Olimpico” pas Kupës së Botës 2018. Paraqitjet e Alisson ka bërë që ai të përfundojë në “radarët” e klubeve të mëdha si Liverpool, Real Madrid dhe Paris SG, kësisoj e ardhmja e tij mbetet në udhëkryq.
Në këtë kushte, verdhekuqtë kanë nisur të interesohen për portierin 20-vjeçar nga Suedia, Marko Johansson, i cili është në pronësi të Malmo, por aktualisht është i huazuar te Trelleborg. Menaxheri i lojtarit ka qenë në Itali, pak ditë më parë, pikërisht për t’u takuar me Monchi, i cili do t’ia kthejë vizitën muajin e ardhshëm kur do të shkojë në Suedi për të firmosur me Johansson. Gjithashtu, edhe Napoli është i interesuar për portierin e talentuar, sepse edhe atyre i duhet një zëvendësues për Pepe Reina.
