Drejtori sportiv i Romës, Monchi, ka thënë se klubi nga Serie A vendosi kundër transferimit të Daley Blindit gjatë afatit kalimtar të janarit edhe pse Manchester United ia kishte ofruar lojtarin.
Blind lidhej me një kalim të klubi italian në muajin e fundit, pasi Roma e shiti mbrojtësin e majtë Emerson Palmieri te Chelsea.
Në ditën e fundit të afatit kalimtar dimëror u raportua se Roma kërkoi ta huazonte mbrojtësin 27-vjeçar, por Manchester United po shpresonte ta shiste atë në bazë të një marrëveshjeje permanente.
“Blindin na e ofruan tri apo katër ditë më parë, por ne vendosem se ai nuk ishte lojtari i duhur, madje edhe nga këndvështrimi ekonomik, gjë që është e rëndësishme”, ka thënë Monchi.
