Ta përcaktosh “alla Maradona” një gol të shënuar nga një lojtar i River Plate mund të thuhet se po ekzagjeron shumë, por analogjia mund të qëndrojë fare mirë në këtë rast. Në fakt, goli që ka shënuar Ignacio Martin Scocco në ndeshjen kundër Olimpo është një vepër e vërtetë arti në sportin e futbollit.
Pasi zotëron topin në mesin e fushës së kundërshtarit driblon çdo lojtar që i del përpara për të depozituar më pas topin në rrjetë. Është goli që fikson shifrat në 2-0 e që vlen dopietën personale për 32-vjeçarin argjentinas. Veprim shumë i ngjashëm me Maradona-n në kohët e arta. Shikojeni dhe shijojeni perlën e argjentinasit./EDS/
