Gjithsesi, Valencia ka bërë paraqitje shumë të mira në ndeshjet e këtij sezoni që ka luajtur në shtëpi (me përjashtim të humbjes 1-4 të pësuar në kampionat kundër Real Madrid). Gjithashtu, ata mund të jenë frymëzuar nga paraqitja jo shumë e mirë e bërë nga Barcelona në takimin e barazuar 1-1 të shtunën e kaluar në fushën e Espanyol, edhe pse ylli i ekipit të Valverde, Leo Messi, është aktivizuar nga stoli. Një vendim ky që tregon se katalanasit janë të vendosur ta mbrojnë titullin në Kupën e Mbretit.
Shifra dhe Fakte
– Barcelona ka marrë 29 fitore dhe 12 humbje në 56 ndeshjet e luajtura kundër Valencia-s.
– Katalanasit, gjithsesi, kanë marrë vetëm një fitore në katër ndeshjet e fundit të luajtura në “Mestalla”, me tri të tjerat që janë mbyllur në barazim.
– Messi me shokë janë të pamposhtur në 32 nga 34 ndeshjet e fundit që kanë luajtur në Kupën e Mbretit dhe nuk kanë pësuar asnjë humbje në 23 nga 25 takimet e fundit që kanë luajtur kundër Valencia-s në të gjitha kompeticionet.
– Skuadra e Valverde-s, gjithashtu, nuk ka pësuar gol në 5 nga 7 ndeshjet e fundit të Kupës së Mbretit.
– Në 3 ndeshjet e fundit që Barça ka luajtur në Kupën e Mbretit, janë realizuar nën 2.5 gola pë ndeshje.