Angel Gomes është një nga talentet e rinj më interesant që aktivizohet në skuadrat e moshave të Manchester United aktualisht.
Gomes, i cili ka luajtur me më të mëdhenj në moshë se ai tek United, luajti si zëvendësues në fitoren 4-0 ndaj Yeovil në takimin e vlefshëm për raundin e katërt të FA Cup.
Mendohet se ylli 17-vjeçar do të bëhet pjesë e skuadrës së drejtuar nga Jose Mourinho në një të ardhme të afërt, por aktualisht ai po aktivizohet me të rinjtë e United. Gjatë ndeshjes që skuadra U-19 e Manchester United fitoi me rezultatin 2-0 ndaj serbëve të Brodarac, Gomes i bëri për vetë tifozët pasi dhuroi disa numra klasi me driblimet e tij. Edhe pse nuk shënoi dot gol në takimin e së mërkurës, tifozët e United kanë bërë komente pa fund në rrjetet sociale, duke thurur elozhe për 17-vjeçarin, të cilin e krahasojnë me legjendën e klubit, Paul Scholes.
Shumë prej tyre shprehin dëshirën për ta parë në skuadrën e parë sa më shpejt që të jetë e mundur. Fitorja ndaj Brodarac i siguroi skuadrës së Manchester United kualifikimin për në fazën tjetër të “UEFA Youth League”./EDS/
Angel Gomes. 🔥 pic.twitter.com/msyKMUrB99
— Ryan. 🔴 (@Vintage_Utd) February 7, 2018
