Zlatan Ibrahimovic nuk është i lënduar por thjesht është duke u injoruar nga trajneri i Manchester Unitedit, Jose Mourinho, ka pohuar Adrian Mutu.
Ibrahimovic është goditur nga lëndimet këtë sezon tamam kur u riaftësua nga dëmtimi i ligamenteve që ia përfundoi para kohe rezonin 2016-17 në nëntor.
Ish-përfaqësuesi suedez, i cili do të largohet në fund të sezonit, është paraqitur shtatë herë për Unitedin këtë sezon – shumicën e të cilave nga stoli – para se t’i rikthehej lëndimi i mëparshëm.
Ai u rikthye në shkurt por nuk është paraqitur asnjëherë që nga atëherë për Unitedin dhe Mutu thotë se kjo po ndodh për shkak të përkeqësimit të marrëdhënieve të tij me Mourinhon dhe jo për shkak të gjendjes së tij fizike.
“Mourinhos s’i bën për performanca, por vetëm për rezultat”, ka thënë Mutu për Telekom Sport Romania.
“Kam informata se Ibrahimovic nuk është i lënduar, por i ka ftohur marrëdhëniet me Mourinhon”, shtoi ai.