Më 12 maj, në Rio de Zhaneiro, do të zhvillohet eventi i UFC-224 në artet marciale mikse, një event ku do të zhvillohet edhe duel për titullin kampion bote në peshën “bantamweight” mes kampiones vendase Amanda Nunes dhe sfidantes amerikane Raquel Pennington. Dy sportistet zhvilluar për herë të parë takimin “face to face” në Brazil për të promovuar këtë event dhe më pas lëshuan deklaratat e para për mediat. Natyrisht që vëmendja e mediave vendase u përqendruan te kampionia e tyre Nunes, që premtoi se titulli do të mbesë në Brazil dhe se nuk do t’i zhgënjejë fansat e saj.
Nunes dhe Pennington gjate prezantimit te eventit UFC-224
“Jam e lumtur që do të dueloj në Brazil, para njerëzve të mi, do të mbroj aty titullin kampion. Jam përgatitur mirë dhe gjithçka po shkon sipas planifikimit, ndaj besoj te fitorja. Sfida para fansave të mi me motivon edhe më shumë. Nuk e nënvlerësoj rivalen edhe pse ka dy vjet që nuk ka dueluar, pasi në këtë sport çdo gabim është fatal, të kushton shtrenjtë. Unë jam një luaneshë dhe si e tillë nuk tremben nga rivalet dhe sfidat, do të tregoj se sa vlej edhe ndaj Pennington”, u shpreh kampionia e botës Amanda Nunes, që në UFC numëron 15 fitore dhe 4 humbje, por i ka fituar 6 duelet e fundit.
