Xhanluixhi Bufon duket i shtyrë për të vazhduar, por një vendim final pas idesë fillestare për t’u tërhequr dhe më pas të rimenduar, e ardhmja e tij do të mësohet më qartë në fund të sezonit.
Por ndërkohë, e përditshmja “TuttoSport” ka zbuluar një ofertë të fundit që presidenti dhe njëkohësisht miku i tij, Andrea Anjeli, i ka bërë portierit dhe kapitenit të bardhezinjve.
Numri një i Juventusit duket se është gati që të heqë dorë nga presidenca, për t’iu përkushtuar më shumë menaxhimit të markës “Juventus” në botë, për ta shtrirë edhe më gjerë atë, për të garantuar të tjera të ardhura dhe poltrona e lënë bosh prej tij të zihet pikërisht nga Bufon, që së bashku me zëvendëspresidentin Pavel Nedved, do të përbënin dyshen e presidencës.
