Trajneri i Barcelonës, Ernesto Valverde, ka folur për ndeshjen kundër Chelseas të vlefshme për Champions League.
Në një deklaratë për mediat, Valverde i doli në mbrojtje Andre Gomes, i cili ditë më parë tha se jeta në Barcelonë i është kthyer në ferr.
“Kam folur disa herë me Andre Gomes. Trajnerët dhe kolegët e tij janë këtu për ta ndihmuar. Rrëfimi i tij ka qenë një akt i guximshëm dhe të gjithë ne e respektojmë më shumë për këtë. Ka disa situata që çdo njeri duhet t’i kalojë që të ec përpara. Ai ka shumë cilësi dhe le të shohim nëse në ndeshje ndaj Chelseat do të jetë mbrëmja e tij”, tha ai.
