Barcelona është bërë gati të bëj një ofertë për sulmuesin e Chelsea, Willian, pavarësisht se dëshira e brazilianit është të shkojë te Manchester United. Willian ka bërë një sezon shumë të mirë me “blutë” e Londrës, pavarësisht se nuk ka qenë gjithmonë titullar me Antonio Conte.
Shtypi anglez ka shkruar se Willian është objektivi kryesor i Manchester United në merkaton e verës, por “Don Balon” ka shkruar se Barcelona po përgatit një ofertë për “yllin” e Chelsea.
Kryesuesit e La Liga vazhdojnë të jetë të interesuar edhe për Antoine Griezmann të Atletico Madrid, me të cilin gjithashtu do të përballen me konkurrencën e Manchester United. Pra me pak fjalë, Willian dhe Griezmann e kanë të ardhmen të kryqëzuar, njëri do të shkojë te Manchester United, tjetri te Barcelona. Teorikisht të dy futbollistët dëshirojnë të punojnë me Jose Mourinho, por do të mjaftonte një telefonatë nga Lionel Messi për t’i bërë të ndryshojnë mendim.
