Duke folur në prag të miqësores që Italia do të luajë kundër Argjentinës në “Etihad Stadium”, trajneri i përkohshëm i “axurrëve” Gigi Di Biagio i është përgjigjur menaxherit Mino Raiola.
Raiola sulmoi publikisht Di Biagio për lënien jashtë përfaqësueses së klientit të tij Mario Balotelli. “SuperMario”, 27-vjeçar, nuk është thërritur nga Italia që nga Kupa e Botës 2014 dhe këtë herë kishte mundësi reale për rikthimin në përfaqësuese pasi ka shënuar 22 gola në 31 ndeshje të luajtura në këtë sezon me Nice.
Pavarësisht nga këto shifra dhe golat e Balotelli, Di Biago nuk ka pasur një vend në ekip për të, duke e justifikuar me faktin se lojtari nuk e ka bindur për arsye të tjera dhe se golat nuk janë gjithçka.
Kjo ngjalli reagimin e ashpër të Mino Raiola, i cili sonte në mbrëmje mori përgjigjen e trajnerit. “Balotelli ka bërë një punë të mirë në kohët e fundit dhe është një futbollist i aftë, por unë kisha disa zgjidhje për të bërë dhe i bëra. Kam 25 vjet që e njoh Raiolën dhe e di shumë mirë kush është, kësisoj fjalët e tij nuk kanë asnjë domethënie për mua.”
