Skuadra e CSKA Moskë vazhdon marshimin e saj në Euroleague në basketboll për meshkuj. Pasi kanë siguruar kualifikimin dhe kryesimin, rusët shkëputen edhe më shumë nga rivalët pas fitores 101-76 ndaj Unicaja Malaga. Një përballje e dominuar nga basketbollistët vendës, me De Colo që bëri diferencën në parket, autor i 23 pikëve. Fitore të vështirë korri jashtë fushe skuadra kampione në fuqi e Euroleague, Fenerbahce, që mposhti Zalgiris Kaunas me shifrat 85-78 (Datome 16 pikë më i miri). Sukses që ngjit turqit në vendin e tretë dhe i kualifikon ata për në çerekfinalet e këtij turneu.
Pa shumë vështirësi fiton edhe ekipi i Olympiacos, që mundi 87-79 Brose Bamberg, me grekët që e kanë siguruar me kohë kualifikimin në play off. Olympiacos qëndron në vendin e dytë falë këtij suksesi, ku u dallua Spanoulis, autor i 17 pikëve. Rikthehet te fitorja skuadra e Barcelonës, që mundi 88-54 Crvena Zvezda, ndeshje e dominuar nga spanjollët, që zhvilluan takimin më ët mirë të këtij sezoni. Gjithsesi, kjo mbetet një fitore për statistikë për spanjollët, të parafundit në renditjen e Euroleague (sot u dallua Ribas me 18 pikë, më i miri në parket).
EUROLEAGUE – RAUNDI I 25-TË
Khimki Moskë – Armani Milano, 77-86
Anadolu Efes – Maccabi Tel Aviv, 81-94
Valencia – Baskonia Gasteiz, 71-81
Real Madrid – Panathinaikos, 92-75
CSKA Moskë – Unicaja Malaga, 101-76
Zalgiris Kaunas – Fenerbahce, 78-85
Olympiacos – Brose Bamberg, 87-79
Barcelona – Crvena Zvezda, 88-54