David Silva është larguar nga skuadra e Spanjës të premten pas barazimit me Gjermaninë për arsye personale. Lojtari i Manchester City-t nuk është stërvitur me ekipin në mëngjesin e së shtunës në Madrid.
Julen Lopetegui nuk do të ketë në dispozicion Silva-n për ndeshjen ndaj Argjentinës në Wanda Metropolitana-n e Atletico-s të martën.
Ai luajti 71 minuta ndaj Gjermanisë përpara se zë zëvendësohej nga Lucas Vazquez.
Silva ka munguar në disa ndeshje të City-t gjatë muajve të fundit dhe ka deklaruar në janar se i biri i tij është duke luftuar çdo ditë pas lindjes së parakohshme.
Lojtarët e Barcelona-s Gerard Pique, Andres Iniesta dhe Jordi Alba, Sergio Ramos i Real Madrid dhe Thiago i Bayern nuk ishin gjithashtu pjesë e stërvitjes pasi kryen punë rikuperuese në palestër.
