Media brazialiane “Globoesporte” konfirmon indirekt fjalët e Dani Alvesit se “te Parisi mungon lidhja), pas eliminimit të PSG nga Reali në Champions. Por si është ndarë grupi që drejtohet nga Unai Emery në klane të ndryshme?
Brazilianët: Afrimi i Neymar dhe Dani Alvesit, që u bënë bashkë kundër Edinson Cavanit kur uruguajani kërkoi të ekzekutonte një 11-metërsh, nisi në njëfarë mënyrë ndarjen në dhomat e zhveshejs së parizienëve. Neymar dhe Alves kanë marrë me vete edhe dy brazilianët e tjerë, Thiago Silvan dhe Marquinhos, si dhe portierin Trapp, që është i fejuar me modelen brazialine Izabel Goulart.
Latinët: Lider i kësaj rryme është Cavani, që pasi u grind me Neymarin, mori mbështetjen e Di Marias, Pastores dhe Lo Celsos, të cilëve iu shtua edhe Berchiche.
Francezët: “Autoktonët” e PSG formojnë një grup prej 13 futbollistësh, ku kanë peshë specifike Mbappe, Rabiot, Areola si dhe Kurzawa, Kimpembe e Lass Diarra.
Të pavarurit: Iitalo-braziliani Thiago Motta, që respektohet për qëndrimin e tij në dhomat e zhveshjes, por edhe Julian Draxler, që ka pak miq, shohin punët e tyre dhe nuk përzihen me asnjë grup.
Miku i të gjithëve: Marco Verrati është i aftë të dialogojë me të gjithë në italisht, spanjisht dhe portugalisht. Ai ka simpatinë e të gjithëve.
