Didier Drogba nuk beson se Jose Mourinho ka humbur besimin te Paul Pogba dhe insiston se trajneri i Manchester United kritikon vetëm lojtarët që pëlqen.
Drogba, i cili ka fituar tre tituj në Premier League nën drejtimin e Mourinho-s gjatë periudhës kur ishte te Chelsea, nuk mendon se marrëdhënia me Pogba është e pashpresë.
“Edhe midis nesh ka pasur disa situata të nxehta, por Jose nuk do të sulmonte kurrë ata që nuk i pëlqente,” shprehet Drogba për Telefoot.
“Ai e do shumë Paul. Prandaj po i jep shumë përgjegjësi.”
Pogba është lënë jashtë formacionit të Francës në miqësoren ndaj Kolumbinë të premten.
Deschamps tha se kishte folur me mesfushorin dhe beson se atij i mungon freskia mendore dhe fizike.
“Pata një bisedë të gjatë me të dhe kuptova se po kalon një moment të vështirë në Mançester si fizikisht ashtu edhe mendërisht.”
25-vjeçari ka vuajtur të gjejë vazhdimësinë këtë sezon, me shumë analistë dhe tifozë që pretendojnë se ai nuk e gjen veten te skema e Mourinho-s.