Sipas gazetës të përditshme spanjolle “ABC”, Neymar nuk dëshiron të luajë me për Paris Saint-Germainin, vetëm një sezon pas transferimit rekord botëror nga Barcelona për 222 milionë euro.
E përditshmja spanjolle pohon se pas eliminimit të PSG-së nga Liga e Kampionëve në përballje me Real Madridin, Neymar i ka thënë babait të vet, Neymar Jr., se nuk dëshiron ta veshë më fanellën e gjigantit francez, si dhe i ka kërkuar atij ta negociojë transferimin e tij në Real Madrid sezonin e ardhshëm, transmeton Express.
Neymar është madje i gatshëm ta ulë pagën vetëm e vetëm ta bëjë të arritshme marrëveshjen.
Ish-lojtari i Barcelonës ndien se nuk po trajtohet mirë nga tifozët, nuk është lidhur me një pjesë të madhe të skuadrës dhe e ka kuptuar se ka bërë një gabim verën e kaluar.
“Nëse vij këtu, në një ligë pa traditë, dhe ata më fishkëllejnë, nuk dua të vazhdoj as edhe për një minutë”, Neymar thuhet t’u këtë thënë familjarëve.
Madridi është i gatshëm t’ia plotësojë kërkesat brazilianit dhe raportohet se do të paguante pa problem 250 milionë euro, e mbase edhe 300 milionë për ta kompletuar transferimin e tij.
