Alvaro Morata është duke kaluar një periudhë të keqe. Dhe kjo është vërtetuar edhe njëherë në ndeshjen ndaj Crystal Palace. Sulmuesi spanjoll u fut në fushë në fund të takimit dhe vetëm pas disa momenteve ai ndëshkohet me karton të verdhë pas një zënke me një nga lojtarët e Palace. Pas të verdhit duartroket kryesori, diçka që mund t’i kishte kushtuar shumë.
Por kjo nuk ishte asgjë. Pak sekonda përpara se të përfundonte ndeshja Zappacosta po mbronte topin te flamuri i këndit, arbitri anësor sinjalizon se dobia ka kaluar vijën fundore por Morata duket qartë se nuk është dakord. Ai i afrohet asistentit dhe i hedh në tokë flamurin. Se si ka shpëtuar pa u ndëshkuar me të verdhin e dytë, është e pabesueshme.
Gjithsesi ai ka marrë kartonin e 10-të të verdhë dhe do të mungojë i pezulluar në dy ndeshjet e radhës.
