Fiorentina do të quajë fushën stërvitore “Davide Astori”, në nder të ish-kapitenit, i cili u nda nga jeta në moshën 31-vjeçare në fillim të këtij muaji. Mbrojtësi, i cili luajti 14 ndeshje për kombëtaren e Italisë, vdiq në hotelin ku ishte grumbulluar skuadra përpara ndeshjes kundër Udinese në Serie A, më 4 mars. Shkaku i vdekjes ishte infarkt në zemër.
Drejtuesi i klubit Mario Cognigni deklaroi për shtypi italian se që sot e tutje, ambienti ku Fiorentina stërvitet do të quhet “Centro Sportivo Davide Astori”. Futbollisti, që u rrit te moshat e AC Milan, ka luajtur edhe me Cagliari dhe Roma gjatë karrierës së tij, përpara se të shkonte te Fiorentina, dy vjet më parë. Klubi nga Firence ka tërhequr përgjithmonë fanellën me numrin 13.
