Në stadiumin “Artemio Franchi” të Firences ka nisur në orën 12:35 ndeshja e Serisë A midis Fiorentinës dhe Benevento, e vlefshme për javën e 28-të, ku të pranishëm janë 35 mijë shikues. Në stadiumin e mbushur plot, të gjithë kanë nderuar ish-kapitenin e skuadrës së Fiorentinës, Davide Astori, që u nda nga jeta një javë më parë, kur u gjend i pajetë në dhomën e tij të hotelit, para ndeshjes me Udinese (takimet u pezulluan dhe nuk u luajtën të dielën e kaluar)
Parrullat e vendosura nga tifozet ne stadium
Të gjithë lojtarët e skuadrës së Fiorentinës kanë zbritur në fushë me fanellën me nr.13 që mbante të veshur Astori, ndërkohë që parrullat për ta kujtuar kapitenin nuk kanë munguar në shkallët e stadiumit. Madje edhe në mesin e fushës ishte vendosur një parrullë e madhe. Para fillimit të ndeshjes u mbajt një minutë heshtje nga ana e të gjithë personave të pranishëm në stadium, ndërkohë që duartrokitjet e tifozëve nuk pushuan.
Parrulla vendosur ne mesin e stadiumit
