Trajneri i Argjentinës, Jorge Sampaoli, ka shpallur listën e të grumbulluarve për dy ndeshjet miqësore në fund të marsit, ndaj Italisë dhe Spanjës.
Në listë bie në sy mungesa e dy “yjeve” argjentinas që luajnë në Serie A, Paolo Dybala dhe Mauro Icardi.
Trajneri nuk i ka grumbulluar futbollistët, pavarësisht se ata gëzojnë një formë të shkëlqyer, sidomos Dybala, i cili është rikthyer te Juventusi duke shënuar gola të rëndësishëm.
Sampaoli ka thirrur në ekip Lautaro Martinez, talenti që luan me Racing Club.
