Si të mos mjaftonte gjoba me 1 milion lekë e klubit të Skënderbeut nga Komisioni i Disiplinës, tani do të dënohen edhe tifozët korçarë.
Këta të fundit jo nga Komisioni i Disiplinës, por nga policia e Korçës. Tifozët do të gjobiten, pasi kanë hipur në rrethimin e stadiumit kur është shënuar gol.
Kujtojmë që në stadiumin e Korçës u përdorën për herë të parë kamerat për ta bërë më të lehtë evidentimin e ndonjë problemi të mundshëm, dhe dënimin individual të tifozëve dhe jo kolektiv.
Kjo gjë ka dhënë frytet e veta, pasi në ndeshjen me Partizanin është evidentuar një tifoz dhe është marrë masa nga policia e Korçës, që ai të gjobitet me 10.000 lekë.
