Barcelona ka mposhtur Chelsean 3:0, për t’u bërë kështu skuadra e tetë që kalon në çerekfinale të Ligës së Kampionëve.
Tashmë dihen tetë skuadrat që janë kualifikuar në çerekfinale të Ligës së Kampionëve, me Barcelonë si të fundit, pasi eliminoi Chelsean.
Shorti për këtë fazë do të hidhet këtë të premte në Nyon të Zvicrës nga ora 12:00.
Në çerekfinale çdo skuadër mund të luajë ndaj se cilës, pra nuk ka ndalesë për skuadrat e një shteti.
Tetë skuadrat e kualifikuara në çerekfinale janë: Real Madrid, Barcelona, Sevilla, Manchester City, Liverpool, Roma, Juventus dhe Bayern Munich.
