Milan është në kërkim të një mesfushori gjatë merkatos së verës. Kuqezinjtë, të cilët janë duke zhvilluar një sezon deri diku pozitiv, kanë disa alternativa për sezonin e ardhshëm.
Emri i ri në listën e Milanit është ai i mesfushorit gjerman Max Meyer. Gjermani, siç raportohet nga agjenti i tij, nuk ka ndërmend të rinovojë kontratën me Schalke 04 dhe klubin gjerman rrezikon ta humbasë me parametra zero. 25-vjeçari po zhvillon një sezon mjaft të mirë duke qenë shumë herë vendimtar për ekipin e Schalke.
Për Mirabellin nuk do të jetë e lehtë, sepse talenti gjerman kërkohet edhe nga Roma dhe Juventusi, duke krijuar në këtë mënyrë një derbi italian. Bayern Munchen, që ishte në avantazh për të siguruar shërbimet e lojtarit, duket se është tërhequr nga gara për shkak se pasi mori Goretzka-n me parametra zero nga Schalke, nuk ka ndërmend të dëmtojë përsëri ekipin e Gelsenkirchen.
Meyer është aktualisht lojtar i kombëtares gjermane, mund të luajë në disa pozicione në mesfushë dhe kjo është arsyeja që trajneri Gennaro Gattuso po e kërkon me ngulm.