Manchester City do ta bëjë një transferim të dyfishtë sensacional në verë, sipas Diario Gol.
Gjiganti anglez është duke përgatitur oferta për sulmuesin e Tottenhamit, Harry Kane, dhe mesfushorin e Real Madridit, Iscon, transmeton Express.
Isco nuk ka marrëdhënie të mira me klubin për shkak të minutazhes së vogël nën urdhrat e Zinedine Zidane dhe Pep Guardiola është i gatshëm ta shfrytëzojë këtë dhe të tentojë ta transferojë spanjollin.
Sipas mediumit spanjoll, Kane do ta ndjekë atë në City.
Madje thuhet se Kane është i lumtur të luajë përkrah 25-vjeçarit dhe është i gatshëm ta refuzojë Real Madridin nëse ai shitet.