Trajneri i Manchester United, Jose Mourinho, e ka vënë mesfushorin e Barcelonës, Segio Roberto, në krye të listës së prioriteteve, sipas asaj që thuhet në Spanjë. “Diario Gol” ka raportuar se Mourinho dëshiron që mesfushori spanjoll të vazhdojë karrierën në “Old Trafford”.
25-vjeçari ka një kontratë me Barcelonën deri në qershor 2019, por bisedimet për rinovimin kanë ngecur në vend-numëro.
Sergio Roberto ka kërkuar një rritje page që nuk është aprovuar nga drejtuesit e Barçës. Kjo pagë spanjollit i ofrohet në “Old Trafford”.
Manchester United mund të përballet me konkurrencën e Liverpool që flitet se e ka futur Roberto në bisedime që gjatë kalimin të Coutinho në “Camp Nou”. Ndoshta transferimi i spanjollit në Premier League gjatë verës është më shumë se një hipotezë.
