Diego Maradona e ka mirëpritur teknologjinë në futboll por është shprehur se VAR nuk do ta kishte anuluar golin e tij të famshëm ndaj Anglisë në Kupën e Botës në 1986 ndaj i quajtur ndryshe “Dora e Zotit”.
I pyetur nga Omnisport se çfarë do të kishte ndodhur por të kishte VAR, që do të përdorhet në Kupën e Botës për të parën herë, Maradona shprehet:
“Asgjë. Do të luaja kundër VAR-it.”
Por sulmuesi legjendar mbetet një mbështetës i teknologjisë. “Mendoj se duhet të ketë teknologji në futboll. Dhe futbolli nuk mund të jetë i shkëputur nga teknologjia pasi ajo është gjithandej.
“Mendoj se VAR është shumë i mirë pasi reflekton mbi atë që ndodh në fushë. nuk është thjesht për të parë golin ose pozicionin jashtë loje.”
Goli i dytë i ndeshjes ndaj Anglisë, ku dribloi gjashtë kundërshtarë para se të shënonte golin e avantazhit, u bë i njohur si goli i shekullit.
“Mendoj se goli i dytë është një gol që çdo lojtar e ka ëndërr ta shënojë që kur është fëmijë. Mendoj se akoma festohet dhe mbahet mend.”
