Pas atakut kardiak që pësoi në fushën e lojës, Eriksen u largua drejt spitalit për të marrë ndihmë më të specializuar.
Ndeshja midis Danimarkës dhe Finlandës u shty përkohësisht, për të rinisur më pas në orën 20:30.
Në media një lajm i bujshëm u përhap me shpejtësi të madhe, ai që vendimin për të rinisur përsëri sfidën e mori pikërisht Eriksen.
Kreu federatës daneze të futbollit ka deklaruar se vetë Eriksen ka komunikuar me shokët e skuadrës me kamera dhe u ka kërkuar të rikthehen në fushë pasi gjendja e tij ishte e qëndrueshme.
Rasti në fjalë ngriu zemrat e tifozëve anembanë globit, duke zbehur disi emocionet e kompeticionit.
