Një lojtar, trajner dhe njeri mjaft i madh. Pas prezantimit në fushën e blertë, Marcello Lippi shfaq një tjetër anë të tij, atë njerëzore.
69 vjeçari i cili aktualisht drejton kombëtaren e shtetit më të madh në Azi, Kinën i sugjeron trajnerit të Uellsit, Ryan Giggs, se nëse dëshiron të jetë i suksesshëm duhet që të kopjoj Sir Alex Ferguson.
“Unë nuk mendoj se duhet t’i jap atij ndonjë këshillë. Ai ishte në urdhërat e trajnerit më të mirë Sir Alex Ferguson dhe i duhet vetëm të bëjë atë që ka mësuar prej tij.”- tha Lippi në një intervistë për BBC.
Të dy kombëtaret do të takohen nesër, në kuadër të Kupës së Kinës në atë që do të jetë debutimi i Ryan Giggs në stolin e kombëtares së Uellsit.
Ish-mesfushori ka luajtur nën urdhërat e Sir Alex Ferguson në Manchester United për pjesën më të madhe të karrierës së tij.
