Massimo Moratti ka thënë se të jesh tifoz i Interit është njëjtë sikur ta duash një grua të bukur e llastuar me të cilën është e vështirë të merresh.
“Interi është si një grua e bukur por llastuar, të cilën është vështirë ta kontrollosh”, ka thënë Massimo Moratti.
Mbrëmë Interi e shënoi 110 vjetorin e themelimit duke e zbuluar Hall of Fame të klubit dhe Moratti, bashkë me babanë e vet Angelo – morën çmime speciale për kontributet e tyre.
“Pas Interit qëndron një e kaluar e përbërë nga ëndrrat dhe miqtë e bashkuar. Interi ka kuptim të vërtetë dhe është ndër gjërat që i kam dashur më së shumti në jetë”, ka thënë ish-presidenti zikaltër për RMC Sport.
“Babai im ka qenë gjeni që ka mundur ta shohë të ardhmen. Ai na dha përgjegjësi të madhe. Shumë shpesh, vuajtja lidhet me ngjyrat e këtij klubi, por për mua këto vite kanë qenë po ashtu prekëse dhe na dhanë mundësinë t’i fitonim disa trofe”, shtoi ai.
