Nëse deri para ndeshjes me Chievon Andre Silva ishte pothuajse i larguar nga skuadra e Milanit, gjërat për sulmuesin kanë ndryshuar në vetëm dy ditë për mirë.
Goli i fitores në takimin e fundit kanë bërë që drejtuesit e klubit dhe trajneri Gattuso të rishikojnë edhe njëherë tjetër vendimin për të ardhmen e lojtarit. Andre Silva ka shënuar dy gola në këtë sezon me kuqezinjtë dhe klubi kishte nisur të vlerësonte ofertat e ardhura në drejtim të tij.
Por, “Tuttosport”, konfirmon se për momentin janë mbyllur të gjitha bisedimet për largimin e 22-vjeçarit dhe atij do t’i jepet një tjetër shans deri në fund të sezonit për të treguar vlerat dhe bindur trajnerin, që ta mbajë në organikë.
