Arsenal ka bërë një ofertë për sulmuesin anësor të Bordeaux, Malcom. Talenti brazilian, që është kërkuar edhe nga Tottenham dhe Manchester United, ka ndërmend të lëvizë gjatë merkatos së verës dhe “topçinjtë” po vendosin piketat për sezonin e ardhshëm. 20-vjeçari, që mund të luajë në të gjitha rolet e repartit të avancuar, ka qenë zbulimi i kampionatit francez në këtë sezon.
Bordeaux pretendon të paktën 50 milionë euro për shërbimet e 20-vjeçarit brazilian, Malcom
Arsenal po kërkon një zëvendësues për Alexis Sanchez, që në janar realizoi kalimin te Manchester City. Kësisoj pas Thomas Lemar të Monaco dhe Cristian Pavon të Boca Juniors, në listën e futbollistëve të preferuar nga trajneri Wenger është shtuar edhe Malcom, i cili refuzoi kalimin te Tottenham në verën e kaluar dhe gjithashtu ka përfunduar në “radarin” e Manchester United.
