Jose Mourinho ka kritikuar kritikët që nuk e kanë pëlqyer mënyrën se si United ka marrë rezultatin pozitiv ndaj Liverpool pasditen e së shtunës.
Manchester United ka ruajtur vendin e dytë pas fitores 2-1 ndaj Liverpool në Old Trafford, me dy golat e shënuar në pjesën e parë nga Rashford.
“Nëse njerëzit mendojnë se nuk e meritojmë, nuk më intereson,” shprehet Mourinho pas ndeshjes.
“Më kanë lodhur këto gjëra, kemi një tjetër ndeshje të martën. Nuk më intereson se çfarë thonë njerëzit. Djemtë janë të lumtur, po ashtu edhe unë.
“United luajti mirë në pjesën e parë, ndërsa Liverpool në të dytën.
“Në pjesën e dytë, ishte Liverpool që kontrolloi topin, ndërsa ne kontrolluam ndeshjen pa pasur topin në zotërim.
“Ekipi im ishte gjithmonë në kontroll. Edhe në goditjet standarde, korne, situata të rrezikshme ne vazhduam të ishim në kontroll dhe mendoj se e merituam fitoren.”
