Federata e Futbollit e Brazilit (FFB) ka njoftuar sot se operacioni në këmbën e djathtë të Neymarit ka kaluar me sukses.
Operacioni për rregullimin e ashtit të thyer në shputën e këmbës së djathtë të yllit të Paris Saint-Germainit, Neymarit, ka qenë i suksesshëm, ka thënë sot FFB-ja.
“Operacioni mbaroi, Neymar tashmë ndodhet në dhomën e tij. Shkoi mirë”, ka thënë një zëdhënës i FFB-së.
Sulmuesi brazilian pritet të mungojë të paktën dy muaj, edhe pse doktorit i ekipit kombëtar të Brazilit, Rodrigo Lasmar, ka thënë më herët se ai pritet të mungojë dy deri në tre muaj.
Megjithatë, Neymar pritet të jetë i gatshëm për Kupën e Botës në Rusi, me lojën hapëse të Brazilit kundër Zvicrës që do të zhvillohet më 17 qershor.
