Neymar ka shfrytëzuar Instagram për të postuar një foto duke luajtur poker me bashkëkombësin Vinicius Jnr teksa po rikuperohet nga dëmtimi.
Ylli 26-vjeçar ka që prej shkurtit që po qëndron larg fushave për shkak të një dëmtimi në metatars.
Por Neymar normalisht që nuk ka qëndruar shtrirë në krevat, por ka postuar shumë foto në javët e fundit gjatë vizitës së tij në Brazil.
Tani ai ka postuar një foto me yllin e ardhshëm të Brazilit Vinicius Jnr.
Vinicius, 17 vjeç, do të transferohet te Real Madrid në ditën e tij të lindjes më 12 korrik dhe i ka kushtuar Real-it 45 milionë euro.
Ndërkohë Neymar ka postuar edhe një video duke bërë stërvitje teksa po mundohet të jetë gati për Kupën e Botës me Brazilin.
Vinicius cilësohet si Neymar i ri në Brazil dhe pritet të ketë një karrierë të madhe te Real Madrid.